skip to Main Content

Ek help vir Christo en sy span by Land Rover Rustenburg om meer eenhede te verkoop. Sekerlik die grootste waarde wat hulle toevoeg, is die tyd wat hulle jou spaar, deurdat hulle jou Land Rover optel, diens en aflaai by jou kantoor of huis.

Wat is daai 90 minute wat mens spaar werd? Meer belangrik, wat is daai ekstra tyd saam met familie of vriende werd?

Hierin lê die probleem en die geleentheid.

Ekstra tyd saam met jou geliefdes, of tyd om bietjie boek te lees of te oefen, is onmeetbaar. Die belangrikste dinge in die lewe is onmeetbaar. Daarom is dit ook maklik om die belangrikheid daarvan mis te kyk. Die enigste manier om iets kwalitatiefs te meet, is om ‘n getal uit 10 daaraan te koppel. Maw jy moet dit self meetbaar maak en dan monitor.

Wat sou jou punt uit tien in 2018 gewees het vir, bv. braai saam met jou beste vriende of speeltyd met die kinders? Wat wil jy hê jou punt moet wees in 2019?

 

ONTHOU!

In Klipkouerwêreld is onmoontlik maklik. Hier pak ons die bul by die horings en voeg waarde toe aan almal met wie ons in aanraking kom.

Klipkouers Potgooi is gestig om jou te help om jou aspirasies te realiseer ten einde waarde toe te voeg.

Dalk weet jy nie waar om te begin of hoe om vorentoe te beweeg nie. Dit is waar Klipkouers jou 'n hupstoot gaan gee om die wiel aan die rol te sit.

Elke week gesels ek, Jacques Basson, met suksesvolle Afrikaner entrepreneurs en impakmakers wêreldwyd en vra ek hulle dieselfde vrae – alles vrae om jou te help om jou besigheid of omstandighede te verbeter.
 
Onthou...Aanhouer wen!
close-link
Back To Top